ԱԺ «Հայաստան» խմբակցության պատգամավոր Արթուր Խաչատրյանը, արձագանքելով ՔՊ խմբակցության պատգամավոր Խաչատուր Սուքիասյանի ելույթին, ասել է. «Չափը որոշվում է օրենքով, ոչ թե օրենք խախտելով»։
Ըստ Խաչատրյանի՝ պետությունը «վոլյունտարիստական» կազմակերպութուն չէ, այլ օրենքներով է առաջնորդվում. «Դուք սխալվում եք, Ջորջ Օրուելի վեպը սխալ եք հասկացել։ Օրուելն այդ վեպը գրել էր որպես նախազգուշացում դիկտատուրայի, վոլյունտարիզմի, տոտալիտարիզմի դեմ, ինքը դա չէր գրել որպես պետական կառավարման ուղեցույց»,- ասել է նա։
