Սահմանազատման գործընթացի գործնական փուլ ենք մտել, որը չափազանց կարևոր է, այդ թվում՝ անվտանգային ռիսկերը նվազեցնելու տեսակետից։ Այս մասին բրիտանական ԶԼՄ-ների ներկայացուցիչների ետ հանդիպմանը հայտարարել է ՀՀ վարչապետ Նիկոլ Փաշինյանը։
«ՀՀ և Ադրբեջանի միջև նոր սահման չպետք է գծենք, գետնի վրա պետք է վերարտադրենք այն սահմանները, որոնք գոյություն են ունեցել Խորհրդային Միության փլուզման պահին և ունեցել են դե յուրե իրավական հիմք»,- ասել է վարչապետը։
Նա նաև անդրադարձել է ՀԱՊԿ-ի մասին այն խոսակցություններին․ «Հայաստանը ՀԱՊԿ-ին ոչինչ չի արել, ՀԱՊԿ-ը հենց ինքն է արել իր հայտարարությամբ, գործողություններով և անգործությամբ։ Այս պայմաններում մենք չենք կարող ձևացնել, թե այդ ամենը չենք նկատում»։
