Քաղաքական
«Կիրանցից մինչև Բաղանիս միջպետական ճանապարհի վրա ոչ մի խանութ, սրճարան, հյուրատուն չկա». վարչապետ
20 Մարտի 2024, 17:03
ՀՀ վարչապետ Նիկոլ Փաշինյանն ԱԺ-կառավարություն հարցուպատասխանի ժամանակ անդրադարձել է Տավուշի մարզում կայացած հանդիպմանը։ Փաշինյանի խոսքով, Ոսկեպարի և Կիրանցի բնակիչների բարձրացրած հարցերը, մտահոգությունները եղել են լեգիտիմ։
Նա ներկայացրել է նաև իր տպավորությունն այդ այցից. «Կիրանցից մինչև Բաղանիս՝ միջպետական ճանապարհի վրա, ոչ մի խանութ, սրճարան, հյուրատուն չկա։ Ինչո՞ւ։ Որովհետև այն խնդիրը, որ այսօր քննարկում ենք, այդ մարդիկ գիտեն` անկախ նրանից ով է բարձր խոսում, ով՝ չի խոսում։ Այս հատվածով բանավեճ չկար, այլ՝ թե հաջորդ քայլերը ինչ տրամաբանությամբ պիտի անել»,- ասել է նա։
