Ռուսաստանը Հայաստանի հետ շփումներում նախազգուշացնում է հակառուսական քաղաքականության մեջ ներքաշվելու ռիսկերի մասին:
Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Հայաստանի հետ հարաբերություններում ՌԴ մտադրությունների անկեղծության վերաբերյալ կասկածներին պատմական պատասխան կա. Ռուսաստանը բազմիցս օգնության է եկել»,- ասել է Զախարովան:
ՌԴ ԱԳՆ ներկայացուցչի խոսքով՝ ոչ մի դեպքում պետք չէ խաղալ, տրվել արևմտյան սցենարներով հերթական բեմադրության գայթակղությանը, քանի որ «սիրախաղը» կարող է վտանգավոր լինել:
«ՀԱՊԿ–ից Հայաստանի դուրս գալը ազգային շահերից չի բխի»,- ասել է Զախարովան:
