Վաղուց եմ ասել՝ Ուկրաինայի հարցով Հայաստանը Ռուսաստանի դաշնակիցը չէ, սա մեր անկեղծ դիրքորոշումն է, Մյունխենում հայտարարել է ՀՀ վարչապետ Նիկոլ Փաշինյանը։
«Ցավում ենք, որ չենք կարող որևէ ազդեցություն ունենալ այդ իրադրության վրա։ Ուկրաինայի ժողովուրդը մեր բարեկամ ժողովուրդն է։ Մենք երախտամոռ չենք, Ուկրաինայում հայերն իրենց լավ են զգացել»,- նշել է Փաշինյանը։
Խոսելով միջանցքի մասին՝ Փաշինյանը հայտարարել է, որ եռակողմ հայտարարությունում նման կետ չկա։ Չկա նաև, որ որևէ այլ երկիր ՀՀ որևէ տարածք է վերահսկելու։
«Այն, ինչ խոսվում է, թե Ռուսաստանը մեր տարածքում որևէ բան պետք է վերահսկի, եռակողմ հայտարարության 9-րդ կետում նման կետ չկա գրված։
Մյուս կետերը, ըստ էության, Ադրբեջանն ու Ռուսաստանը ճղել, գցել են մի կողմ։ Ե՛վ Ռուսաստանը, և՛ Ադրբեջանը նախորդ կետերով իրենց պարտավորություններն ամբողջությամբ խախտել են»,- ասել է Փաշինյանը։
