Երկուշաբթի, 26 Փետրվարի 2024

USD402

EUR431.11

RUB4.24

Երևան 3 ℃

Рус Eng

Միրզոյանն ու Բորելը կքննարկեն ԵՄ-Հայաստան գործընկերության հավակնոտ օրակարգը

Քաղաքական

9 Փետրվարի, 13:44

Փետրվարի 13-ին Բրյուսելում տեղի կունենա ԵՄ-Հայաստան գործընկերության խորհրդի հինգերորդ նիստը, որը նվիրված կլինի երկկողմ հարաբերություններին և քաղաքական հարցերին։ Այս մասին հաղորդում է ԵԽ մամուլի ծառայությունը։

Կողմերը մտքեր կփոխանակեն ԵՄ-Հայաստան համապարփակ և ընդլայնված գործընկերության համաձայնագրի և ԵՄ-Հայաստան գործընկերության առաջնահերթությունների, ինչպես նաև ԵՄ-Հայաստան գործընկերության ավելի հավակնոտ օրակարգի հնարավորության շուրջ շարժվելու մասին․

«Կքննարկվեն քաղաքական երկխոսությունը և բարեփոխումները, ժողովրդավարությունը, օրենքի գերակայությունը և մարդու իրավունքները, տնտեսական, առևտրային և ոլորտային համագործակցությունը, ինչպես նաև միգրացիան, շարժունակությունը և վիզայի ազատականացման երկխոսության մեկնարկի հեռանկարները:

Այնուհետև մասնակիցները կարծիքներ կփոխանակեն քաղաքական, ներառյալ՝ տարածաշրջանային հարցերի և արտաքին ու անվտանգության քաղաքականության վերաբերյալ:

Գործընկերության խորհուրդը կնախագահի արտաքին գործերի և անվտանգության քաղաքականության գերագույն հանձնակատար Ժոզեպ Բորելը։ Հայկական պատվիրակությունը կգլխավորի Հայաստանի արտաքին գործերի նախարար Արարատ Միրզոյանը»,- ասվում է ԵԽ տարածած հաղորդագրության մեջ։ 

Հետևեք մեզ Telegram-ում
Արման Գալոյան

Պտտվիր, պտտվիր կարուսել, ես քո երգը վաղուց եմ լսել

Radar Armenia

Տեղի ունեցածը ոչ սովորական իշխանափոխություն էր, ոչ էլ պարզունակ պալատական հեղաշրջում