Չորեքշաբթի, 21 Փետրվարի 2024

USD401.97

EUR430.47

RUB4.30

Երևան 7 ℃

Рус Eng

«Խորհրդակցություններից դուրս եմ եկել թմրած՝ հասկանալով, որ ես էլի ոչինչ չհասկացա». վարչապետ

Քաղաքական

8 Փետրվարի, 12:22

«Վաղը կարող է նոր տեխնոլոգիա ի հայտ գալ, և, ցավոք սրտի, կարող է պարզվել՝ Հայաստանում չկա մասնագետ, որ մեզ բացատրի, թե դա ինչ տեխնոլոգիա է». հայտարարել է վարչապետ Նիկոլ Փաշինյանը կառավարության նիստում։

Նա օրինակ է բերել. «Չգիտեմ՝ ամոթ կլինի խոստովանել, թե չէ, բայց պետք է ասեմ․ 2018թ․–ից մեր օրակարգում է թվայնացման հարցը, և ես տասնյակ խորհրդակցություններ եմ արել մի նպատակով՝ մեր մասնագետներին խնդրել եմ ասել՝ թվայնացումն ինչ է և ինչի համար է։ Ես տաս եմ ասում, դուք քսան հասկացեք։ Ես այդ բոլոր խորհրդակցություններից, ամենայն հարգանքով, դուրս եմ եկել թմրած և հասկանալով, որ ես էլի ոչինչ չհասկացա»,- ասել է նա։ Վարչապետը պատմել է, որ վերջում որոշել են իմանալ՝ որն է թվայնացման ոլորտում առաջատար երկիրը, և երբ պարզել են, որ Էստոնիան է, այնտեղից մասնագետներ են հրավիրել. «Էդ մարդիկ եկան, նստեցին, ասեցի՝ ձեզ մի հարց ունեմ․ բացատրեք՝ ինչ է թվայնացումը։ Մի ժամում այդ մարդիկ բացատրին, թե ինչ է թվայնացումը, և ես այլևս որևէ հարց չունեի, նաև ներկաները․ սա իրողություն է»։ 

Նա բերել է նաև ակադեմիական քաղաքի օրինակը. «Այդտեղ շուտ գլխի ընկանք, որ 22 խորհրդակցությունը պետք է բաց թողնել, մոնտաժել, և ընդամենը մի քանի խորհրդակցության արդյունքում մեր գործընկերները, հույս ունեմ, պրոյեկտը կդնեն մի ռելսերի վրա, որ ուզենանք էլ չիրականացնել, չկարողանանք, որովհետև գնացքը գնացել է։ Ակադեմիական քաղաքի գնացքը գնացել է, էլ կանգնեցնել չի լինի, և աշխատանքի մեթոդը էս ա։ Ամեն ինչը ուզում ենք տեղից պոկել, հա քաշում ենք, քաշքշում ենք, շաղգամը չենք կարողանում, ի վերջո, հանել»։

Հետևեք մեզ Telegram-ում
Արման Գալոյան

Պտտվիր, պտտվիր կարուսել, ես քո երգը վաղուց եմ լսել

Radar Armenia

Տեղի ունեցածը ոչ սովորական իշխանափոխություն էր, ոչ էլ պարզունակ պալատական հեղաշրջում