Քաղաքական
«Ադրբեջանի արևմտյան շրջանները Նախիջևանին կարող են կապվել նաև հյուսիսային ուղով». վարչապետ
Վարչապետ Նիկոլ Փաշինյանը դեպի ծով ելք չունեցող զարգացող երկրների նախարարական հանդիպմանը խոսել է «Խաղաղության խաչմերուկի» մասին։ Վարչապետի խոսքով՝ Հայաստանը պատրաստակամություն է հայտնում վերականգնել երկաթուղային հաղորդակցությունն Ադրբեջանի և Հայաստանի միջև, ընդ որում՝ նախկինում գոյություն ունեցած երկաթուղիներով․
«Առաջինը հյուսիսային ուղին է, որը կապում է ադրբեջանական Ղազախի շրջանը Հայաստանի Տավուշի մարզի հետ, երկրորդը հարավային ուղին է, որն Ադրբեջանի արևմտյան շրջանները կապում է Նախիջևանի ինքնավար հանրապետության հետ։
Կարծում ենք՝ Ադրբեջանի արևմտյան շրջանները Նախիջևանի և արտաքին աշխարհի հետ կարող են կապվել նաև հյուսիսային ուղով»,- ասել է նա։
Փաշինյանը շեշտել է, որ այս պատրաստակամությունը Հայաստանը հայտնել է պաշտոնապես։
Նա անդրադարձել է նաև ավտոճանապարհներին՝ ընդգծելով, որ դրանք կարող են ունենալ և հյուսիսային, և միջին, և հարավային ուղիներ․
«Հայաստանը «Խաղաղության խաչմերուկի» միջոցով կարող է կապվել և կապել այլ երկրները հյուսիս-հարավ և արևելք-արևմուտք առանցքներով»,-ասել է նա։
