Քաղաքական
«Հունվարին հույս ունենք հասնել պայմանագրի տեքստի վերջնականացման»․ Մարուքյան
Դեռ չունենք խաղաղության պայմանագրի վերջնական նախագիծ, որը պատրաստ լինի ստորագրման։ Այս մասին Հանրային հեռուստաընկերության եթերում հայտարարել է Հայաստանի հատուկ հանձնարարություններով դեսպան Էդմոն Մարուքյանը։
«Հունվարին Վաշինգտոնում սպասվող ԱԳ նախարարների հանդիպմանը, որին Ադրբեջանը տվել է իր համաձայնությունը, հույս ունենք հասնել պայմանագրի տեքստի վերջնականացման»,- նշել է նա
Մարուքյանի խոսքով՝ նոյեմբերի 9-ի եռակողմ փաստաթուղթն այլևս գոյություն չունեցող, չգործող փաստաթուղթ է, քանի որ այնտեղ գործող իրողություններն այլևս չկան։
Հատուկ հանձնարարություններով դեսպանը խոսել է նաև երաշխավորի ինստիտուտի կարևորության մասին․
«Որ քաղաքում էլ լինեն բանակցությունները՝ տվյալ երկրի մասնակից մայրաքաղաքները երաշխավոր չեն՝ ֆասիլիտատոր են, աջակցող, կողմերին օգնող, բայց երաշխավորի ինստիտուտը մեխանիզմ է, որը պետք է ներդրվի պայմանագրում»,- բացատրել է Մարուքյանը։
