ԱԺ «Հայաստան» խմբակցության պատգամավոր Գառնիկ Դանիելյանը Կոռուպցիայի կանխարգելման հանձնաժողովի անդամի թեկնածուի ընտրության քննարկման ժամանակ հայտարարել է, թե վերջին տարիների կորուստներից հետո հրամայական է դարձել անկեղծ խոսել․
«Մեզ բաժին հասած ողբերգությունը մեզ բոլորիս պետք է փոխի։ Չապրել այնպես, ինչպես ապրել ենք նախկինում, չանել այն բոլոր սխալները, որ արվել են նախկինում։ Փոխվենք»,- հորդորեց նա՝ հավելելով, որ երկրում պետք է աշխատի հակակշռման ու փոխզսպման մեխանիզմը։
