Քաղաքական
«Գործադիրին տեղեկացնելուց հետո բացարձակ կրկնություն չի ունեցել». Հարությունյանը՝ զանգով իր վրա ճնշում գործադրելու մասին
«Գործունեության սկզբում, նախկինում առկա մշակույթի փորձով, որոշակի վարքագիծ դրսևորվել է, բայց դա անմիջապես կանխվել է։ Ես շնորհակալ եմ, և իմ շնորհակալությունը գործադիրի հետ իմ ունեցած վերջին հանդիպմանն եմ հայտնել, որ նման վարքագիծ չի կրկնվել»,- լրագրողների հետ ճեպազրույցում ասաց կոռուպցիայի կանխարգելման հանձնաժողովի անդամի թեկնածու Հայկուհի Հարությունյանը՝ պատասխանելով իշխանության կողմից իր վրա ճնշումների հարցին։
Ճշտող հարցին, թե ինչ վարքագծի մասին է խոսքը, Հարությունյանը հրաժարվեց պատասխանել․ միայն նշեց, որ բնույթը դեռևս խորհրդային ժամանակներին տարածված զանգի ձևն է եղել. «Կարծում եմ, որ հենց դրա պատճառով էր, որ զանգի տեսքով հարցը որակվեց որպես միջազգային կազմակերպության վերաբերյալ իմ գործունեության բնութագրում»,- ասաց Հայկուհի Հարությունյանը՝ վստահեցնելով, որ նման մեկ դեպք է եղել. «Գործադիր մարմնին տեղեկացնելուց հետո չի կրկնվել»։
