Քաղաքական
«Եթե բոլորն Արցախը ճանաչում էին Ադրբեջանի կազմում, ինչո՞ւ էր այն դե ֆակտո անկախ». Աննա Գրիգորյան
ԱԺ «Հայաստան» խմբակցության պատգամավոր Աննա Գրիգորյանը պետաիրավական հարցերի մշտական հանձնաժողովի նիստում անդրադարձել է ԱԺ ՔՊ խմբակցության պատգամավոր Մարիա Կարապետյանի ելույթին․
«Տիկին Կարապետյանը բոլորիս համոզում է, որ 30 տարի շարունակ բոլոր իշխանությունները հաստատակամ ճանաչել են Արցախն Ադրբեջանի կազմում․ պարզ հարց է առաջանում՝ այդ դեպքում ինչո՞ւ չէր Արցախն Ադրբեջանի կազմում և դե ֆակտո անկախություն ուներ, ինչո՞ւ ադրբեջանական ուժերը չէին վերահսկում Արցախն ամբողջությամբ, և այնտեղ կանգնած էին հայ զինվորները։ Կամ եթե դուք այդպես վստահորեն պնդում եք, որ գիտեիք՝ Արցախն Ադրբեջանի կազմում է, Նիկոլ Փաշինյանին հարցրե՞լ եք՝ ինչու էր 2019թ. հայտարարել «Արցախը Հայաստան է, և վերջ»։ Ոչ թե՝ «Արցախը Ադրբեջան է, և վերջ», այլ՝ «Հայաստան է, և վերջ»։
Գրիգորյանը հարցրել է նաև, թե որն է իշխանությունների բանակցային փաստաթուղթը։
Արձագանքելով Աննա Գրիգորյանին՝ հանձնաժողովի նախագահ Վլադիմիր Վարդանյանը հարցրել է. «Վարչապետը որ ասել է՝ «Արցախը Հայաստան է, և վերջ», դա լա՞վ է, թե՞ վատ է։ Երբ կարդում եմ «Հայաքվե»–ի նախագիծը, ձեր առաջին հոդվածում ևս ասված է՝ «Արցախը Հայաստան է, և վերջ»։
