«Մարգարայի անցակետի կառուցումը կարող է ավարտվել հաջորդ շաբաթ». ՊԵԿ նախագահ
Քաղաքական
17 Նոյեմբերի, 13:14
Հայաստանի ՊԵԿ նախագահ Ռուստամ Բադասյանը հայտարարել է, թե Մարգարայի անցակետի կառուցումը կարող է ավարտվել հաջորդ շաբաթ․
«Անցակետը, միգուցե, մյուս շաբաթվա ընթացքում արդեն պարտաստ լինի, գրեթե աշխատանք չի մնացել»,- ասել է նա։
Բադասյանի խոսքով՝ դեռ չի հաշվարկվել պետբյուջե որքան եկամուտ կստացվի հայ-թուրքական սահմանի, մասնավորապես, Մարգարայի անցակետի բացման ու այնտեղով բեռնափոխադրումների իրականացման դեպքում․ «Գնահատման աշխատանքներ տարվում են, բայց կոնկրետ գումար հնարավոր չէ նշել»,- ասել է Բադասյանը՝ հավելելով․ «Աքսիոմ է, որ բաց սահմանն ավելի լավ է, քան փակը։ Իհարկե, այդտեղ կան դրական կողմեր, կարող են լինել նաև բացասական կողմեր, բայց բաց սահման ունենալն ավելի լավ է»։
Հետևեք մեզ Telegram-ում
