Քաղաքական
«Հայաստանը պլացդարմ կամ ֆորպոստ չէ՝ իր սահմաններից դուրս պլաններ իրագործելու համար». վարչապետ (ՏԵՍԱՆՅՈՒԹ)
«Ինչո՞ւ են ժամանակները պատմական». հարց է հնչեցրել վարչապետ Նիկոլ Փաշինյանը՝ նշելով. «Մենք կանգնած ենք պետության և պետականության ֆունկցիոնալ նշանակության վերագնահատման անհրաժեշտության առջև, և այդ գնահատման արդյունքը, իմ կարծիքով, պետք է լինի հետևյալը․ Հայաստանը ոչ թե պլացդարմ կամ ֆորպոստ է՝ իր սահմաններից դուրս մշակված պլաններ իրագործելու համար, այլ սեփական քաղաքացիների անվտանգությունը, բարեկեցությունը, ազատությունն ու երջանկությունը ապահովելու միջոց»։
Ըստ նրա՝ պետությունը պետք է սպասարկի բացառապես այս պլանները. «Տնտեսական զարգացումն է Հայաստանի պետական շահը, և բոլոր քաղաքականություններն ու հայեցակարգերը պետք է գնահատվեն ըստ այդմ՝ ինչքանով են համապատասխանում զարգացման շահերին»։
Վարչապետի խոսքով՝ արժեքային համակարգի գագաթնակետը Հայաստանն է, երկրի շահերի համակարգի գագաթնակետը՝ Հայաստանի տնտեսական զարգացումը․ «Այս երկու գագաթնակետերի սպասարկմանն է ուղղված խաղաղության օրակարգը»։
