«Մոլորակի վրա դեռևս միայն ընդդիմությունն է քննադատում խաղաղության խաչմերուկը». Հովհաննիսյան
Քաղաքական
16 Նոյեմբերի, 11:02
«Պաշտպանական բյուջեն կավելանա 125%–ով, և որքան էլ ընդդիմությունը փորձի ստվերել պաշտպանական ոլորտում տեղի ունեցող փոփոխությունները, մեր քաղաքացիները տեսնում են, որ աննախադեպ փոփոխություններ են տեղի ունենում ոլորտում, և դրանք անկասելի են». 2024թ. բյուջեի նախագծի քննարկման ժամանակ հայտարարել է ԱԺ ՔՊ խմբակցության քարտուղար Արթուր Հովհաննիսյանը։
Նրա խոսքով՝ բարեփոխումները հնարավոր է իրականացնել ժողովրդավարության շնորհիվ ու խաղաղության պայմաններում. «Ես ցանկանում եմ ևս մեկ անգամ կարևորել «խաղաղության խաչմերուկը», որի իրագործմանը պետք է լծվենք բոլորս՝ թե կառավարության, թե ընդդիմության ներկայացուցիչները։ Թեպետ դեռևս էս մոլորակի վրա միայն ընդդիմությունն է քննադատում «խաղաղության խաչմերուկը», բայց ես կոչ եմ անում լծվել Հայաստանի շուրջ, տարածաշրջանում խաղաղություն հաստատելու՝ մեր օրակարգի իրականացմանը»։
Ըստ նրա՝ 2024թ․ բյուջեն խաղաղության օրակարգը սպասարկող բյուջե է։
Հետևեք մեզ Telegram-ում
