«ՀԱՊԿ գործունեության վերաբերյալ արտահայտել ենք մեր դիրքորոշումը». Արման Եղոյան
Քաղաքական
14 Նոյեմբերի, 13:48
ԱԺ եվրաինտեգրման հարցերի մշտական հանձնաժողովի նախագահ Արման Եղոյանն անդրադարձել է ՀԱՊԿ նիստին վարչապետ Նիկոլ Փաշինյանի չմասնակցելուն:
«Մենք արտահայտել ենք մեր դիրքորոշումը ՀԱՊԿ գործունեության վերաբերյալ, և այդ դիրքորոշումից հետո պատշաճում է այս քաղաքականությունը»,- ասել է նա՝ հավելելով, որ, սկսած 2021թ. Հայաստանի տարածքի դեմ հարձակումից, ՀԱՊԿ ուղղված դիմումից ու դրան ոչ պատշաճ արձագանքելուց, Հայաստանը բազմիցս արտահայտել է իր դիրքորոշումն այդ կառույցի գործունեության վերաբերյալ։
Հարցին՝ հնարավո՞ր է՝ Հայաստանը դուրս գա ՀԱՊԿ-ից, Եղոյանն ասել է. «Իսկ ո՞վ է ասում, որ մեկին պետք է հետևի մյուսը։ Այս փուլին սա է պատշաճում։ Ձեր ասածն այն է, որ եթե մեկ-երկու, հինգ նիստին չմասնակցեցիր, վեցերորդ քայլով պետք է դո՞ւրս գաս կառույցից»։
Հետևեք մեզ Telegram-ում
