Ինդոնեզիայի դեսպանն իր հավատարմագրերի պատճենն է հանձնել ՀՀ ԱԳ փոխնախարարին

Քաղաքական

13 Նոյեմբերի, 21:30

Նոյեմբերի 13-ին ԱԳ նախարարի տեղակալ Մնացական Սաֆարյանն ընդունել է ՀՀ-ում Ինդոնեզիայի Հանրապետության դեսպան Արիֆ Մուհամադ Բասալամահին (նստավայրը՝ ք․Կիև)՝ հավատարմագրերի պատճենը հանձնելու կապակցությամբ։

ՀՀ ԱԳ նախարարի տեղակալ Սաֆարյանը շնորհավորել է նորանշանակ դեսպանին իր պարտականությունների ստանձման կապակցությամբ և հաջող ու արդյունավետ գործունեություն մաղթել հայ-ինդոնեզական կապերի ամրապնդման գործում։

Նախարարի տեղակալն անդրադարձել է տարածաշրջանում խաղաղության հաստատմանն ուղղված Հայաստանի ջանքերին: Նա զրուցակցի ուշադրությունն է հրավիրել Ադրբեջանի կողմից էթնիկ զտմանն ուղղված գործողությունների արդյունքոում Լեռնային Ղարաբաղի բնակչության բռնի տեղահանության հետևանքով ստեղծված իրավիճակին։ Մնացական Սաֆարյանը նաև ներկայացրել է Հայաստանի կառավարության կողմից առաջարկված «Խաղաղության խաչմերուկ» նախագիծը։

Կողմերը քննարկել են երկկողմ հարաբերություններին առնչվող հարցեր, մտքեր են փոխանակել բազմակողմ հարթակներում համագործակցության խորացման, առևտրատնտեսական կապերի խթանման, ինչպես նաև գիտակրթական և տեխնոլոգիական ոլորտներում առկա փոխգործակցության ընդլայնման վերաբերյալ։

Հետևեք մեզ Telegram-ում

Նմանատիպ նյութեր

Հայաստանը կարող է ՌԴ-ի դեմ դատական հայց ներկայացնել. տեսականորեն

Այսօր, 12:50

«Եւ պարտավորությունները, որ Ռուսաստանը ստանձնել է, որևէ կերպ կկատարի Հայաստանի նկատմամբ»։

«Ժամերի կամ օրերի հարց է». Խանդանյանը՝ գերիների վերադարձի մասին

Այսօր, 12:16

Գերիների վերադարձը պետք է տեղի ունենա մոտակա ժամանակահատվածում․ ժամերի կամ օրերի հարց է։ Եթե չեմ սխալվում, հայտարարության տեքստի մեջ կար, որ Հայաստանի և Ադրբեջանի սահմանին է տեղի ունենալու

«Հայտարարության մեջ որևէ այլ կողմի մասին արձանագրում չկար». Խանդանյան

Այսօր, 12:00

ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը պարզաբանել է, որ Հայաստանի ու Ադրբեջանի ղեկավարների հայտարարությունը երկկողմ գործընթացի շրջանակներում է եղել.