Քաղաքական
«Քարտեզները տարբեր միջնորդների կողմից տրամադրվել են կողմերին». փոխնախարար
27 Հոկտեմբերի 2023, 14:42
ԱԳ փոխնախարար Վահան Կոստանյանը, լրագրողների հետ ճեպազրույցում անդրադառնալով Բրյուսելում նախատեսված հանդիպման չեղարկմանը, հայտարարել է, թե նպատակը ոչ թե հարթակներն են, այլ հարևանների հետ հարաբերությունների կարգավորումը․
«3+3»-ը Հայաստան-Ադրբեջան հարաբերությունների կարգավորման հարթակ չէ, այլ տարածաշրջանային համագործակցության հարթակ»,- ասել է նա։
ԱԳ փոխնախարարն անդրադարձել է ՌԴ ԱԳ նախարար Սերգեյ Լավրովի հայտարարությանը, թե խորհրդային ժամանակներից մնացած քարտեզները գտնվում են միայն Ռուսաստանի ձեռքում։ Ըստ Կոստանյանի՝ այն քարտեզները, որոնց մասին խոսվում է՝ 1974-78թթ․ քարտեզները, առկա են, ու թե՛ հայկական կողմն է ծանոթ դրանց, թե՛ ադրբեջանական։
Կոստանյանը հավելել է, որ այդ քարտեզները տարբեր միջնորդների կողմից տրամադրվել են կողմերին։
