Հայաստանի նախկին վարչապետ, «Ազգային կոմիտեի» ղեկավար Վազգեն Մանուկյանը տեղեկացրել է, որ այսօր կշարունակվեն անհնազանդության բողոքի ակցիաները, իսկ երեկոյան ժ․18:00 հանրահավաք կանցկացնեն, որտեղ և կներկայացնեն անելիքները:
Ըստ նրա՝ այս իրավիճակը էապես տարբերվում է «Փրկության» և «Դիմադրության» շարժումներից․ այս անգամ ժողովրդի ճնշող մեծամասնությունն իշխանության դեմ է։
Նա խոսել է նաև 2020-21թթ. «Հայրենիքի փրկության շարժման» տապալումից և հարցին՝ ինչու է կրկին ինքը առաջին պլանում, նշել. «Փրկության շարժումը ես չտապալեցի, այլ նրանք, ովքեր նպաստեցին, որ տեղի ունենան ընտրություններ, որին ես կտրականապես դեմ էի։ Գնացինք ընտրության և ստացանք այն, ինչ ստացանք»։
