Միրզոյանն ընդգծել է ԵՄ–ի և անդամ պետությունների համարժեք արձագանքի անհրաժետությունը

Սեպտեմբերի 19-ին Նյու Յորքում ՄԱԿ ԳԱ 78-րդ նստաշրջանի շրջանակներում ՀՀ ԱԳ նախարար Արարատ Միրզոյանը հանդիպում է ունեցել Իտալիայի ԱԳ և միջազգային համագործակցության նախարար Անտոնիո Տայանիի հետ:

ՀՀ ԱԳ նախարարն իր իտալացի գործընկերոջն է ներկայացրել սեպտեմբերի 19-ի առավոտյան Լեռնային Ղարաբաղի ժողովրդի դեմ Ադրբեջանի կողմից սանձազերծված հերթական լայնածավալ ագրեսիայի հետևանքով ստեղծված իրավիճակը՝ ընդգծելով, որ Ադրբեջանը շարունակում է իր կողմից որդեգրած ագրեսիվ և էթնիկ զտմանն ուղղված քաղաքականությունը: Արարատ Միրզոյանը նշել է, որ ադրբեջանական զինված ուժերի կողմից թիրախավորվում են նաև քաղաքացիական բնակչությունը և ենթակառուցվածքները, որի հետևանքով առկա են զոհեր և վիրավորներ քաղաքացիական անձանց շրջանում, այդ թվում՝ կանայք և երեխաներ:

ԱԳ նախարար Արարատ Միրզոյանն ընդգծել է միջազգային հանրության, մասնավորապես Եվրոպական Միության և իր անդամ պետությունների համարժեք արձագանքի ու հստակ քայլերի անհրաժեշտությունը՝ Լեռնային Ղարաբաղում զանգվածային ոճրագործությունները կանխելու նպատակով:

Հանդիպմանն անդրադարձ է կատարվել նաև Հայաստանի և Իտալիայի միջև երկկողմ օրակարգին:

Նմանատիպ նյութեր

«Հռոմի ստատուտով ՌԴ նախագահին ձերբակալելու մասով խոսք չի գնում». Կիրակոսյան

Այսօր, 12:38

Հարցին՝ այդ դեպքում ինչո՞ւ են ՌԴ-ից սուր արձագանքում Հռոմի ստատուտի վավերացմանը, Կիրակոսյանը նշել է. «Չեմ կարող ասել։ Բայց եթե նույնիսկ խնդիր կա, լուծումներ էլ կան, դրանք հնարավոր է իրականացնել կանոնադրության տրամաբանության մեջ»։

Հռոմի ստատուտը կներկայացվի ԱԺ նիստի օրակարգ. հանձնաժողովը հավանության արժանացրեց այն

Այսօր, 12:18

Նախագիծը ներկայացնելիս Միջազգային իրավական հարցերով ՀՀ ներկայացուցիչ Եղիշե Կիրակոսյանը շեշտեց, որ Միջազգային քրեական դատարանի կանոնադրությունը վավերացնելու իրական պատճառը Ադրբեջանին պատասխանատվության ենթարկելու համար լրացուցիչ միջազգային իրավական մեխանիզմ ունենալն է: Ըստ նրա, ստատուտին միանալը նաև կանխարգելիչ ազդեցություն կունենա:

«Չափազանց անհանգստացնող փաստ է». վարչապետը՝ ադրբեջանցիների կողմից ձերբակալութունների մասին (ՏԵՍԱՆՅՈՒԹ)

Այսօր, 11:47

ՀՀ վարչապետ Նիկոլ Փաշինյանն անդրադարձել է Հակարիի կամրջի անցակետում ադրբեջանցիների կողմից կամայական ձերբակալություններին․