Բողոքի ակցիա կառավարության շենքի մոտ
Քաղաքական
19 Սեպտեմբերի, 18:07
Մի խումբ քաղաքացիներ բողոքի ցույց են անցկացնում ՀՀ կառավարության շենքի մոտ։ Ցուցարարները փակել են Հանրապետության հրապարակի հարակից փողոցները։
Հրապարակում են ԱԺ ընդդիմադիր ուժերի՝ «Հայաստան» և «Պատիվ ունեմ» խմբակցությունների պատգամավորները։
Բողոքի ակցիայի կազմակերպիչները պահանջում են վարչապետի հրաժարականը։
Քաղաքացիները փորձել են ճեղքել ոստիկանական շղթան ու մտնել կառավարություն։
«Ժողովրդի պարտադրանքով, պետք է Նիկոլ Փաշինյանը հրաժարվի իր հայտարարությունից և միևնույն ժամանակ հայտարարի, որ Հայաստանը շարունակում է մնալ Արցախի Հանրապետության անվտանգության երաշխավորը»,- հայտարարել է «Հայաստան» խմբակցության պատգամավոր, ՀՅԴ-ական Արթուր Խաչատրյանը։
Հետևեք մեզ Telegram-ում
