Քաղաքական
«Գրանադայում կայանալիք հանդիպմանը խաղաղության պայմանագրի ստորագրում չի նախատեսվում». Նիկոլ Փաշինյան
17 Սեպտեմբերի 2023, 10:32
Հոկտեմբերի 5-ին Գրանադայում կայանալիք հանդիպմանը, ցավոք սրտի, չի նախատեսվում խաղաղության պայմանագրի ստորագրում. լրագրողների հետ ճեպազրույցում ասել է ՀՀ վարչապետ Նիկոլ Փաշինյանը։
«Եթե նախատեսված լիներ որևէ փաստաթղթի ստորագրում, ապա կնշանակեր, որ այդ փաստաթուղթը համապատասխանում է ՀՀ հավասարակշռված շահին, և մենք պատրաստ ենք այն ստորագրել: Մենք ասել ենք, որ խաղաղության օրակարգն է մեր առաջնահերթությունը։ Ուզում ենք մինչև տարվա վերջ կամ մյուս տարվա սկիզբ ստորագրել պայմանագիր և մենք ամեն ինչ անում ենք դրա համար: Շատ կուզենայի ասել, որ այո՛ Գրանադայում սպասվում է, որ կստորագրենք փաստաթուղթ, բայց, ցավոք սրտի, ոչ: Հույս ունենք, որ ինտենսիվ բանակցությունները կշարունակվեն և կհասնենք խնդրի լուծմանը»,- ասաց Նիկոլ Փաշինյանը:
