Քաղաքական
«Սա Հայաստանի սուվերեն որոշումն է». Խանդանյանը՝ ԱՄՆ հետ զորավարժությունների անցկացման մասին
ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը հայ-ռուսական հարաբերությունները լարված չի գնահատում․
«Ես հայ-ռուսական հարաբերությունները լարված չէի գնահատի, ես փաստերն եմ արձանագրում, և դրանք արձանագրվել են ոչ միայն այսօր, այլև երեկ և նախորդ ամիսներին»,- ասել է նա։
Անդրադառնալով ռուսական կողմի հայտարարությանը, թե իրենց համար մտահոգիչ է հայ-ամերիկյան զորավարժությունների անցկացումը, Խանդանյանն ասել է. «Դա Հայաստանի սուվերեն որոշումն է։ Ես հասկանում եմ, որ տարբեր կողմեր կարող են անհանգստություններ ունենալ, դժգոհություններ հայտնել, բայց սա Հայաստանի սուվերեն որոշումն է: Սրանք խաղաղապահի ծառայություններում հայ-ամերիկյան փոխգործակցությունը բարելավելուն ուղղված զորավարժություններ են, որոնք պետք է տեղի ունենան հաջորդ շաբաթ: Սա արդյունք է հայ-ամերիկյան խորացող հարաբերություններին»:
Հարցին՝ զորավարժություններ անցկացնելու որոշումից առաջ եղե՞լ է քննարկում ռուսական կողմի հետ, նա նշել է. «Չունեմ տեղեկություն․ գուցե եղել են»:
