«ՄԱԿ ԱԽ երկրները պետք է լրջագույն միջոցներ ձեռնարկեն նոր պայթյունը կանխելու համար». վարչապետ
Քաղաքական
7 Սեպտեմբերի, 11:21
Հայաստանի վարչապետ Նիկոլ Փաշինյանը հայտարարել է, թե Ադրբեջանը մտադիր է ԼՂ-ի և Հայաստանի դեմ ռազմական սադրանք ձեռնարկել․
«Իրավիճակն այնպիսին է, որ միջազգային հանրությունը, ՄԱԿ ԱԽ երկրները պետք է լրջագույն միջոցներ ձեռնարկեն մեր տարածաշրջանում նոր պայթյունը կանխելու համար»,- ասել է նա։
Վարչապետը նաև ընդգծել է ՀՀ հավատարմությունը 2021թ. դեկտեմբերի 14-ին Բրյուսելում, 2022թ. հոկտեմբերի 6-ին Պրահայում և 2023թ. մայիսին Բրյուսելում ձեռք բերված պայմանավորվածություններին, ինչպես նաև՝ 2020թ. նոյեմբերի 9-ի եռակողմ հայտարարարությանը։
Ըստ վարչապետի՝ ԼՂ հայության իրավունքների և անվտանգության հասցեագրման համար Բաքու-Ստեփանակերտ երկխոսությունը միջազգային մեխանիզմի շրջանակներում և Լաչինի միջանցքի ապաարգելափակումն էական է։
«Հայաստանը պատրաստ է և ցանկանում է խաղաղության և հարաբերությունների կարգավորման պայմանագիր կնքել Ադրբեջանի հետ, և մենք մեր հավատարմությունն ենք արտահայտում խաղաղության օրակարգին»,- ասել է նա։
Հետևեք մեզ Telegram-ում
