Քաղաքական
«Երասխից Հորադիզ երկաթգծի ենթակառուցվածք ունենալը շատ լավ լուծում է Հայաստանի համար». Մհեր Գրիգորյան
Հայաստանի փոխվարչապետ Մհեր Գրիգորյանն անդրադարձել է ճանապարհային երթուղիների ապաշրջափակման շուրջ բանակցություններին․
«Ենթակառուցվածքի և կապի մասով փոխադարձ ընկալում և, կարծես, համաձայնություն կա, որ դա տարածաշրջանի համար շատ դրական լուծում է, բայց դրա շահագործման հետ կապված կան բազմաթիվ հարցեր, որոնք դեռ պետք է վերջնականապես համաձայնեցվեն»,- ասել է նա։
Գրիգորյանի խոսքով՝ Երասխից Հորադիզ երկաթգծի ենթակառուցվածք ունենալը շատ լավ լուծում է Հայաստանի համար և, ընդհանրապես, տարածաշրջանում Հայաստանի դերն ընդգծելու տեսանկյունից. «Բայց զուգահեռ կան հարակից բազմաթիվ հարցեր, որոնց շուրջ դեռևս վերջնական լուծում կամ վերջնական պայմանավորվածություններ չկան»։
Նա նաև խոսել է բանակցային գործընթացից, շեշտելով. «Ընդհանուր ֆոնը բնականաբար պետք է նպաստավոր լինի։ Ի՞նչ ապաշրջափակում, եթե չլինի կայունություն և խաղաղություն»։
