Քաղաքական
«Տեսնենք՝ ում ցանկությունը կիրականանա»․ Սերժ Սարգսյանն իշխանափոխության մասին
Եթե Փաշինյանը հրաժարական չի ուզում տալ, մենք ենք ուզում, Ազատության հրապարակում ընթացող ԼՂՀ հռչակման օրվա առթիվ ընդդիմության հրավիրած հանրահավաքի ժամանակ հայտարարել է ՀՀ երրորդ նախագահ Սերժ Սարգսյանը։
«Տեսնենք՝ ում ցանկությունը կիրականանա։ Երբ ընթացքը կլինի, կլուսաբանեք։ Ամեն ինչ հնարավոր է»,- ասել է նա։
Սերժ Սարգսյանի խոսքով՝ Արցախի հարցում բեկումներ մտցնելու հնարավորություններ կան։
«Արցախը միշտ էլ գործոն է եղել՝ կախված այնտեղ տիրող տրամադրություններից, ղեկավարության մոտեցումներից այդ գործոնը կամ շատ մեծացել է, կամ փոքրացել է։ Հիմա իրավիճակն այնպիսին է, որ, այո՛, Արցախի գործոնն էական հանգամանք է հանդիսանալու»,- ասել է նա։
Մեկնաբանելով Արայիկ Հարությունյանի հրաժարականը՝ Սերժ Սարգսյանը նշել է, որ դա Հարությունյանի որոշումն է եղել, ինքն էլ թող պատասխանի այդ հարցին։
Անդրադառնալով Շառլ Միշելի՝ Արցախից խիզախ լուծումներ են պահանջվում հայտարարությանը, Սարգսյանը նշել է․ «Մեզանից յուրաքանչյուրը ցանկացած բառ ընկալում է յուրովի։ Ուրախ եմ, որ Շառլ Միշելն Արցախից խիզախություն է պահանջում, հուսով եմ՝ արցախցիները հուսախաբ չեն անի։ Բայց կարող է ինքն ուրի՞շ լուծումներ է խիզախ անվանում, մենք այդպես չենք համարում»։
