Ղարաբաղի խորհրդարանը պետք է լուծարվի, իրեն նախագահ կոչող տարրը պետք է հանձնվի. Ալիև
Քաղաքական
28 Մայիսի, 18:30
Ադրբեջանի նախագահ Իլհամ Ալիևը հայտարարել է, որ Ադրբեջանը բոլոր հնարավորություններն ունի տարածաշրջանում (Ղարաբաղ) իրականացնելու ցանկացած գործողություն. «Ուստի խորհրդարանը պետք է լուծարվի, իրեն նախագահ կոչող տարրը պետք է հանձնվի, բոլոր նախարարները, պատգամավորները եւ մյուսները պետք է թողնեն իրենց պաշտոնները։ Միայն այս դեպքում կարող են զիջումներ լինել նրանց ու խոսել համաներման մասին»։
Իլհամ Ալիևը հայտարարել է նաև, որ Ղարաբաղի ներկայացուցիչները երկու անգամ հրաժարվել են Բաքվում երկխոսությունից, երրորդ առաջարկ չի լինելու։
«Իմ ներկայացուցիչը գնաց և նրանց հետ առաջին հանդիպումը անցկացրեց (2023թ. մարտի 1-ին), որից հետո նրանց հրավիրեցինք Բաքու՝ երկխոսության, նրանք հրաժարվեցին, դրանից հետո երկրորդ անգամ հրավիրեցինք Բաքու, նրանք էլ մերժեցին: Երրորդ հրավեր չի լինելու, կամ իրենք կգան գլուխները կախ, կամ իրադարձություններն այլ կերպ կզարգանան», ասել է Ալիևը և հավելել. «Մենք ինչ ասում ենք, անում ենք։ Այժմ եթե խոսում եմ համաներման մասին, թող այդ հնարավորությունը չկորցնեն։ Նրանք բազմաթիվ հնարավորություններ են բաց թողել, և ամեն անգամ ստիպված ենք եղել գլխներին տալ, որ ուշքի գան»։
Հետևեք մեզ Telegram-ում
