Քաղաքական
«Ռուսաստանի գործողությունները պետք է լինեն շատ ավելի հասցեական». Տիգրան Աբրահամյան
ԱԺ «Պատիվ ունեմ» խմբակցության քարտուղար Տիգրան Աբրահամյաը հայտարարել է, որ Ռուսաստանը պարտավոր էր կանխել ադրբեջանական անցակետի տեղակայումը Հակարի կամրջի վրա, հատկապես որ, այն տեղակայվեց ՌԴ-ի հենակետից 20-30 մետր հեռավորության վրա. «Բնականաբար, Ռուսաստանն ունի իր պատասխանատվությունը, Ռուսաստանի գործողությունները պետք է լինեն շատ ավելի հասցեական»,- ընդգծել է նա։
Անդրադառնալով ՌԴ նախագահ Վլադիմիր Պուտինի՝ ԵԱՏՄ խորհրդի նիստում երեկվա հայտարարություններին, նա նշել է, թե այդ խոսքերից հետևում է, որ Մոսկվան, բացի 2020 թվականի նոյեմբերի 9-ի հայտարարությունից, որևէ այլ պայմանավորվածություն չունի Ադրբեջանի հետ։
Նա հիշեցրեց, որ Հայաստանի վարչապետի հետ երկկողմ հանդիպումից հետո Պուտինը հայտարարել է, թե իր դիրքորոշումները չեն փոխվել, և որ դրանք արտացոլում են այն, ինչ նշված է վերոնշյալ եռակողմ հայտարարությունում. «Ադրբեջանը Լաչինի միջանցքում Խաքարի գետի կամրջի վրա անցակետ է տեղադրել, որպեսզի բանակցային գործընթացում հնարավորինս թանկ վաճառի իր ծրագրերը»։
