Քաղաքական
«Երկու ձեռքով պաշտպանելու եմ մեր խաղաղության օրակարգը». Գուրգեն Արսենյան
ԱԺ ՔՊ խմբակցության պատգամավոր Գուրգեն Արսենյանը հայտարարել է, որ իր լիակատար աջակցությունն է հայտնում վարչապետ Նիկոլ Փաշինյանի վարած քաղաքականությանը և պաշտպանում է խաղաղության օրակարգը։
«Որպես մարդ, ով եղել է խորհրդարանի 4 գումարման պատգամավոր, հայտնում եմ իմ լիակատար աջակցությունը Նիկոլ Փաշինյանի իրականացրած քաղաքականությանը, այդ թվում՝ խաղաղության օրակարգն իր ավարտին հասցնելու ձգտումներին»,- լրագրողների հետ ճեպազրույցում ասել է նա՝ հավելելով․ «Ես երկու ձեռքով պաշտպանելու եմ խաղաղության օրակարգը, պաշտպանելու եմ այն գործընթացը, որը հարևան երկրի հետ բերելու է խաղաղության, ինչպես նաև տարածքային ամբողջականության փոխադարձ ճանաչման:
Եվս մեկ անգամ վերահաստատում եմ իմ աջակցությունը վարչապետին, մեր քաղաքական թիմին և ասում, որ մենք վճռական ենք Հայաստանի, հայ ժողովրդի անունից ավարտին հասցնել հարևան Ադրբեջանի հետ խաղաղության գործընթացը, ինչպես նաև հարևան Թուրքիայի հետ հարաբերությունների կարգավորման գործընթացը»։
