Փոխարտգործնախարարը հաստատում է՝ Հայաստանը Ռուսաստանից չի ստացել սպառազինությունը, որի համար վճարել է
Քաղաքական
16 Մայիսի, 13:15
Այսօր լրագրողները ԱԺ-ում փոխարտգործնախարար Մնացական Սաֆարյանին խնդրել են մեկնաբանել ԱԽ քարտուղար Արմեն Գրիգորյանի հայտարարությունը, թե Հայաստանը Ռուսաստանից միլիոնավոր դոլարների սպառազինություն է գնել, որը այդպես էլ չի ստացվել։
Լրագրողների հարցին՝ այդ հարցը լուծվե՞լ է, և եթե ոչ, ինչու՞ դրանք տեղ չեն հասել, փոխնախարարը պատասխանել է․ «Աշխատանքներն ընթանում են։ Սպառազինությունն իրոք չի հասել Հայաստան։ Փորձում ենք շարունակել այդ ուղղությամբ աշխատանքները»,- ասել է Սաֆարյանը։
Փոխնախարարը հորդորել է հարցը ճշտել համապատասխան գերատեսչության հետ։
Հետևեք մեզ Telegram-ում
