Քաղաքական
«Այս պահին ուսումնասիրվում են Երևանի մանկապարտեզների, զբոսայգիների օտարման գործընթացները». դատախազ (ՏԵՍԱՆՅՈՒԹ)
ԱԺ փոխնախագահ Հակոբ Արշակյանը ՀՀ գլխավոր դատախազից հետաքրքրվեց, թե ինչպես կգնահատի այն, որ շատ բացահայտումներ դեռ իրականացված չեն, և առկա բացահայտումներն ապօրինի հարստացածների ունեցվածքի 10-20%-ն էլ չեն կազմում․ «Ես ուզում եմ Ձեր գնահատականը հասկանալ․ սա ի՞նչ շարունակականություն է ստանալու՝ նաև հաշվի առնելով ժամկետները, օրենքի տեսանկյունից հրատապությունը և քաղաքացիների՝ մեզնից ունեցած պահանջը»,- հարցրեց Հակոբ Արշակյանը։
Դատախազի խոսքով՝ այս պահին հակակոռուպցիոն դատարանում 40-ին մոտ հայցապահանջ կա, գործընթացը շարունակական է․ «Այս պահին ուսումնասիրվում են Երևանի մանկապարտեզների, կանաչ տարածքների և զբոսայգիների օտարման գործընթացները, և 2023թ. հաղորդման մեջ ավելի ծավալուն տեղեկատվություն կլինի այս համակարգային երևույթի մասին։ Գոնե առաջին եռամսյակը ինձ ցույց է տալիս, որ գումարները ավելի մեծ կլինեն, քան 2022թ. էր»,- նշեց Աննա Վարդապետյանը։
