Քաղաքական
«Մշտապես լինելու են արժանապատիվ քաղաքացիներ, ովքեր հիշեցնելու են, թե ովքեր են իրենք». Սաղաթելյան
ԱԺ «Հայաստան» խմբակցության պատգամավոր, ՀՅԴ ԳՄ ներկայացուցիչ Իշխան Սաղաթելյանն անդրադարձել է երեկ փողոցում ԱԺ նախագահ Ալեն Սիմոնյանի և ՀՅԴ-ականի մասնակցությամբ միջադեպին։ Սաղաթելյանը հայտարարել է. «Իրենք՝ Ալեն Սիմոնյանը և Նիկոլ Փաշինյանը, պետք է մի բան հասկանան. կլինի Երևանի կենտրոնում, հեռավոր գյուղերում կամ սահմաններից դուրս, մշտապես լինելու են արժանապատիվ քաղաքացիներ, որոնք հիշեցնելու են, թե ովքեր են իրենք և երկիրն ինչ օրի են հասցրել»։
Լրագրողի դիտարկմանը, թե Ալեն Սիմոնյանն, անդրադառնալով Աշոտ Փաշինյանի՝ հարձակման ենթարկվելու փաստին, ասել է, թե դրա իրավական և քաղաքական արձագանքը չի ուշանալու, Սաղաթելյանն արձագանքեց.
«Երեկվա հոխորտալուց հետո, հավանաբար, Ալեն Սիմոնյանը հասկացել է, որ հակառակ ազդեցությունն ունեցավ, այսօր էլ փորձում է ներկայանալ զոհի կարգավիճակով։
Իրենց բոլոր հակազդեցությունները՝ նման դեպքերին պատասխանել բռնություններով, ինչպես երեկ տեղի ունեցավ, և ինչպես ոչ օրինաչափ կերպով կալանքի տակ էր գտնվում Մհեր Սահակյանը, ունենալու են հակառակ ազդեցություն»։
