Վահագն Խաչատուրյանն Անկախության օրվա առթիվ շնորհավորական ուղերձ է հղել Հունաստանի նախագահին

ՀՀ նախագահ Վահագն Խաչատուրյանը շնորհավորական ուղերձ է հղել Հունաստանի Հանրապետության նախագահ Կատերինա Սակելլարոպուլուին Հունաստանի ազգային տոնի՝ Անկախության օրվա կապակցությամբ: Ուղերձում ասվում է.

«Հնագույն քաղաքակրթություն ներկայացնող հայ և հույն ժողովուրդները ավելին են, քան բարեկամներ, որոնք դարեր ի վեր արարել են կողք-կողքի՝ իրենց հետքը թողնելով համաշխարհային պատմության էջերում:

Մեր ժողովուրդների բարեկամությունը հիմնված է պատմական սերտ առնչությունների և ընդհանուր արժեհամակարգի վրա, իսկ մշակութային և տնտեսական կապերը սկիզբ են առնում դեռևս վաղնջական ժամանակներից:

Վերջին երեսուն տարիներին Հայաստանի և Հունաստանի միջև հարաբերություններն ավելի են ամրապնդվել և խորացել` ներառելով փոխշահավետ համագործակցության նոր ոլորտներ և ձևաչափեր:

Վստահ եմ, որ հետագայում առավել կընդլայնենք երկկողմ կապերի առկա ներուժը՝ միավորելով մեր ջանքերը տարածաշրջանային և միջազգային օրակարգի արդիական հարցերի ուղղությամբ:

Մաղթում եմ Ձեզ քաջառողջություն և հաջողություն, իսկ Հունաստանի բարեկամ ժողովրդին` խաղաղություն և բարօրություն»:

Նմանատիպ նյութեր

ԱԺ-ում ընդունվեց հանձնաժողովի նախագահի տեղակալի ընտրության հարցը

20 Հունվարի 2022, 13:38

ՀՀ ազգային ժողովն առաջին ընթերցմամբ ընդունեց «Քաղաքացիական պայմանագիր» խմբակցության պատգամավոր Վիլեն Գաբրիելյանի ներկայացրած օրենքի նախագիծը, որը նպատակ ունի կարգավորել ԱԺ հանձնաժողովի նախագահի տեղակալի ընտրության հարցը:

Պարեկային ոստիկանության շուրջ բավականին դրական մթնոլորտ է ստեղծվել. Նիկոլ Փաշինյան

20 Հունվարի 2022, 13:40

Վարչապետ Նիկոլ Փաշինյանն անդրադարձել է պարեկային ծառայության ստեղծմանը և աշխատանքի արդյունավետությանը:

Նիկոլ Փաշինյանը շնորհավորական ուղերձ է հղել Բրիտանիայի վարչապետին

20 Հունվարի 2022, 13:51

Նիկոլ Փաշինյանը շնորհավորական ուղերձ է հղել Բորիս Ջոնսոնին՝ հայ-բրիտանական դիվանագիտական հարաբերությունների հաստատման 30-ամյակի առթիվ