Քաղաքական
Գերիների հարցը մշտապես բարձրացվել է բոլոր երկկողմ և բազմակողմ հանդիպումներում
ՀՀ ԱԳ նախարար Արարատ Միրզոյանը հայտարարել է, որ ԱԳՆ առաջնահերթությունների շարքում անկյունաքարային է շարունակել մնալ հայ գերիների վերադարձի խնդիրը:
Ըստ նրա՝ հարցը մշտապես բարձրացվել է բոլոր երկկողմ և բազմակողմ հանդիպումների ընթացքում. «Շարունակվել են նաև օպերատիվ աշխատանքները ՀՀ-ում ԿԽՄԿ-ի գրասենյակի հետ: ՀՀ ԱԳՆ-ն այլ գերատեսչությունների հետ համագործակցությամբ կազմել և ներկայացրել է Ադրբեջանում ապօրինաբար պահվող հայ ռազմագերիների վերաբերյալ բողոք-զեկույցի փաթեթ ՄԱԿ-ի խոշտանգումների և այլ դաժան, անմարդկային, նվաստացուցիչ վերաբերմունքի կամ պատժի հարցերով հատուկ զեկուցողին, ինչպես նաև կամայական ձերբակալությունների հարցերով և բռնի անհետացումների հարցերով աշխատանքային խմբերին»։
Նախարարը նշել է, որ գերիների հարցի առնչությամբ միջազգային կազմակերպություններում փաստաթղթեր են տարածվել Նյու Յորքում, Ժնևում, Ստրասբուրգում, Վիեննայում, Բրյուսելում և այլուր:
