ԵՄ դիտորդական առաքելությունը որոշակի դեր խաղաց լայնամասշտաբ պրովոկացիաները կանխելու հարցում
Քաղաքական
17 Մարտի, 15:30
ԱԺ Եվրոպական ինտեգրման հարցերի մշտական հանձնաժողովի նիստում «Հայաստան» խմբակցության պատգամավոր Ագնեսա Խամոյանը հետաքրքրվել է ԵՄ դիտորդական առաքելության գործունեությունից։
ՀՀ ԱԳ փոխնախարար Պարույր Հովհաննիսյանը նշել է, թե ԵՄ առաքելությունը նաև որոշակի դեր է խաղացել ավելի լայնամասշտաբ պրովոկացիաները կանխելու հարցում։ Ըստ Հովհաննիսյանի պետք է աշխատել նաև այլ գործընկերների հետ՝ ներկայացնելու իրավիճակը. «Պրովոկացիաների թիվը սահմանին որոշակի նվազել են, կարծում ենք՝ որոշակի դեր խաղաց ավելի լայնամասշտաբ պրովոկացիայի կանխման գործում։ Եւ բացի այդ, բնակչության համար ամեն միջազգային կառույցի կամ այլ երկրի ներկայացուցչի ներկայությունն առաջացնում է ավելի ապահովության զգացում»։
