«Երաշխիքի խնդիր կա. գնացին Բաքու, հետ կգա՞ն։ Այդ հարցի պատասխանն ո՞վ է տալու»,- հայտարարել է ՀՀ վարչապետ Նիկոլ Փաշինյանը՝ անդրադառնալով Լեռնային Ղարաբաղի իշխանությունների հետ հաջորդ հանդիպումը Բաքվում անցկացնելու մասին Ադրբեջանի առաջարկին։
Նա հիշեցրել է, որ Ղարաբաղի իրավունքների և անվտանգության հարցերը մեկ ամսվա ընթացքում դարձան ինտեգրացիայի մասին խոսույթ։
Ըստ Փաշինյանի՝ Ադրբեջանի հետ խոսողը պետք է լինի ԼՂ ժողովրդի ներկայացուցիչը։ Նա նաև նշել է՝ երբ Հայաստանն այդ թեմայով խոսող առաջնային սուբյեկտն է, անընդհատ ԼՂ-ից խեթ հայացքներ, կասկածներ կան՝ «էդ ինչ դավադրություներ են»․ «Մենք կարծում ենք՝ ԼՂ ժողովրդի ներկայացուցիչներն իրենք պետք է խոսեն, որպեսզի և այդ պատասխանատվությունը լինի իրենց կողմից, և այդ ակնկալիքների բավարարման, ձևակերպումների, սկզբունքների հետապնդման հնարավորությունն ստանան։ Եվ կարծում ենք, որ դա ճիշտ ճանապարհ է, այլ բան, որ պետք է լինի էֆեկտիվ խոսակցություն»։
