Քաղաքական
Կազմակերպություններ ու քաղաքական գործիչներ, որոնք իրենց համարում են վերպետական (ՏԵՍԱՆՅՈՒԹ)
ԱԺ «Քաղաքացիական պայմանագիր» խմբակցության պատգամավոր Վիգեն Խաչատրյանը հայտարարել է, թե կան շատ ուժեր, որոնք ուզում են ներազդել պետության վրա։
«Մենք մեր պետությունը պետք է պաշտպանենք նման ազդեցություններից»,- ասել է նա՝ ԱԺ պետաիրավական հարցերի մշտական հանձնաժողովի նիստում՝ անդրադառնալով օտարերկրացի քաղաքացիների մուտքը ՀՀ թույլատրելու խնդրին։
«Երբ մենք ասում ենք «համազգային», ինձ մոտ խոսք է գնում՝ երբ խոսքը գնում է 7-8 մլն հայության մասին, ընդհանուր համազգայինն ո՞վ է որոշում, որտե՞ղ է որոշվում, ո՞ւմ է իրավունք վերապահված որոշելու, թե ո՞րն է համազգային»,- նշել է պատգամավորը՝ մեկնաբանելով. «Երբ մենք ասում ենք համազգային՝ կապված ՀՀ-ի հետ, մենք նկատի ունենք ՀՀ քաղաքացիների հավաքական շահը»։
Վիգեն Խաչատրյանը նաև նշել է, թե այսօր ՀՀ-ում կան կազմակերպություններ, քաղաքական գործիչներ, որոնք իրենց համարում են վերպետական. «Եւ բացահայտ դրա մասին խոսում են՝ ասելով, որ իրենք վերպետական են»։
