Գրիգոր Մինասյանն ընդունել է ԵԽ գլխավոր քարտուղարի տեղակալ Բյորն Բերգեի գլխավորած պատվիրակությանը

 Արդարադատության նախարար Գրիգոր Մինասյանն ընդունել է Եվրոպայի խորհրդի գլխավոր քարտուղարի տեղակալ Բյորն Բերգեի գլխավորած պատվիրակությանը:
Նախարարը շնորհակալություն է հայտնել Բյորն Բերգեին՝ Եվրոպայի խորհրդի կողմից ցուցաբերած աջակցության համար: Գրիգոր Մինասյանն ընդգծել է իրականացված մեծածավալ բարեփոխումները, մասնավորապես՝ Ներքին գործերի նախարարության ստեղծումը, դատական և իրավական, կոռուպցիայի դեմ պայքարի, քրեական արդարադատության ոլորտներում գրանցած առաջընթացը: 

Նախարարը կարևորել է նաև արբիտրաժային կենտրոնի ստեղծման համար իրականացված աշխատանքները, ինչպես նաև ԵԽ աջակցությամբ իրականացված պրոբացիայի ինստիտուտի զարգացման, մասնավորապես՝ օրենսդրության բարելավման, նոր այլընտրանքային խափանման միջոցների և պատժատեսակի արդյունավետ կիրառման, տարբեր գործիքների պիլոտավորման, վերապատրաստումների իրականացման, վերասոցիալականացման ծրագրերի մշակման և գնահատման ուղղությամբ: 

Գրիգոր Մինասյանը կարևորել է նաև երկուստեք համագործակցության շրջանակներում հաշտարարության ոլորտի բարեփոխմանն ուղղված աշխատանքները:
Նախարարն ընդգծել է Վենետիկի հանձնաժողովի տրամադրած փորձագիտական կարծիքի կարևորությունը՝ «Հայաստանի Հանրապետության դատական օրենսգիրք» սահմանադրական օրենքում ԲԴԽ որոշումների բողոքարկման մեխանիզմ նախատեսող օրենսդրական փոփոխությունների նախագծի վերաբերյալ: 

Եվրոպայի խորհրդի գլխավոր քարտուղարի տեղակալ Բյորն Բերգեն շնորհավորել է Գրիգոր Մինասյանին արդարադատության նախարար նշանակվելու կապակցությամբ և շնորհակալություն է հայտնել ընդունելության համար: Բյորն Բերգեն ընդգծել է երկուստեք համագործակցության կարևորությունն ու նշել, որ այն տարիների ընթացքում ամրապնդվում է: Նա ողջունել է արդարադատության ոլորտի բարեփոխումների օրակարգը և ընդգծել, որ նախանշված ուղղությունները համընկնում են ԵԽ քաղաքականությանը:
Բյորն Բերգեն վստահություն է հայտնել, որ արդեն իսկ իրականացված աշխատանքները նպաստելու են արդարադատության ոլորտի զարգացմանը:
Կողմերը պայմանավորվածություն են ձեռք բերել շարունակել արդյունավետ համագործակցությունը:

Նմանատիպ նյութեր

Մհեր Գրիգորյանը և Բելառուսի փոխվարչապետը մտքեր են փոխանակել ԵԱՏՄ շրջանակներում համագործակցության շուրջ

Այսօր, 13:27

Փոխվարչապետ Մհեր Գրիգորյանն ընդունել է Բելառուսի Հանրապետության փոխվարչապետ Պյոտր Պարխոմչիկի գլխավորած պատվիրակությունը:

Օնիկ Գասպարյանը ԱԺ քննիչ հանձնաժողովում է

Այսօր, 13:20

Մարտի 16-ին ՀՀ ԳՇ նախկին պետ Օնիկ Գասպարյանը հրավիրվել էր 44-օրյա պատերազմի քննիչ հանձնաժողով։ Նրա

«Որ եկել է, ի՞նչ». ԱԺ նախագահը՝ ՀԱՊԿ գլխավոր քարտուղարի այցի մասին

Այսօր, 13:16

ԱԺ նախագահ Ալեն Սիմոնյանն, անդրադառնալով ՀԱՊԿ գլխավոր քարտուղար Իմանգալի Տասմագամբետովի՝ Հայաստան այցին, արձագանքել է. «Որ եկել է, ի՞նչ։ Ուզում եմ հասկանալ՝ այդ գալով ի՞նչ փոխվեց»։