Քաղաքական
Ռուսաստանի ագրեսիան և միակողմանիությունը խաթարել են ներդրված ջանքերը և լուրջ հեռանկարները Մինսկի խմբի համանախագահության ձևաչափով արդյունավետ աշխատանքների հարցում. Վեդանտ Պատել
ԱՄՆ-ը շարունակում է հավատարիմ մնալ խաղաղությանն աջակցելուն ուղղված փոխգործակցությանը ցանկացած ուղղությամբ՝ երկկողմ ձևաչաձով, ԵՄ մեխանիզմների կամ ԵԱՀԿ-ի միջոցով:
Հարավային Կովկասում խաղաղությանն աջակցելը մնում է մեզ համար մշտական առաջնահերթություն:
Այս մասին ճեպազրույցի ժամանակ ասել է ԱՄՆ պետքարտուղարության խոսնակի տեղակալ Վեդանտ Պատելը:
«Ինչ վերաբերում է Ռուսաստանի արձագանքներին [արևմտյան նախաձեռնությունների հասցեին], փաստը այն է, որ Ռուսաստանի ագրեսիան և միակողմանիությունը խաթարել են ներդրված ջանքերը և լուրջ հեռանկարները Մինսկի խմբի համանախագահության ձևաչափով արդյունավետ աշխատանքների հարցում»։
Նրա խոսքով՝ Հարավային Կովկասում խաղաղությանն աջակցելը մնում է անփոփոխ առաջնահերթություն ոչ միայն ԱՄՆ վարչակազմի, այլև անձամբ պետքարտուղար Էնթոնի Բլինքենի համար, ինչի մասին են վկայում այդ հարցերի շուրջ նրա անմիջական շփումները Հայաստանի և Ադրբեջանի ղեկավարների հետ։
