Քաղաքական
Գրանցված պատգամավորների թիվն ԱԺ խորհրդի նիստի իրավազորության համար բավարար չի եղել
Ազգային ժողովի խորհրդի այսօրվա արտահերթ նիստում ժամը 12:00-ին նիստի իրավազորության համար բավարար թվով խորհրդի անդամներ չեն գրանցվել:
ԱԺ նախագահ Ալեն Սիմոնյանը տեղեկացրել է, որ ԱԺ խորհրդի աշխատակարգի 6-րդ մասի համաձայն՝ եթե խորհրդի գրանցված անդամների թիվը նիստի իրավազորության համար բավարար չէ, ապա գրանցումը շարունակվում է մինչև անհրաժեշտ թվով խորհրդի անդամների գրանցվելը, բայց ոչ ավելի, քան երկու ժամ:
Նշված ժամկետում նիստի իրավազորության չապահովման դեպքում խորհրդի նիստը կհամարվի չկայացած:
Ավելի վաղ Radar Armenia-ն տեղեկացրել էր` ԱԺ նախագահ Ալեն Սիմոնյանը հայտարարել էր, թե ընդդիմադիր պատգամավորների բացակայությունների թիվը գերազանցել է սահմանված նորման, բայց քանի որ նրանք վերադարձել են ԱԺ, որոշում է կայացվել այս անգամ չդիմել սահմանադրական դատարան։
