ԱԺ «Հայաստան» խմբակցության պատգամավոր Գեղամ Մանուկյանը հայտարարել է, որ իրենք կմասնակցեն ԱԺ նիստերին։
Լրագրողների հետ ճեպազրույցում նա նշել է. «Մենք խորհրդարանից չէինք գնացել, որ վերադառնանք. պարզապես հայտարարել էինք, որ ԱԺ-ի լիագումար նիստերին չենք մասնակցելու։ Կմասնակցենք այն բոլոր հարցերի քննարկմանը, որոնք համարում ենք մեր օրակարգը. դրանք ռազմավարական, անվտանգային, Արցախին վերաբերող հարցերն են»։
Հիշեցնենք՝ «Հայաստան» խմբակցությունը մայիսից բոյկոտում էր ԱԺ նիստերը։