Երկուշաբթի, 26 Սեպտեմբերի 2022

USD411.97

EUR398.71

RUB6.58

Երևան 18 ℃

Рус Eng

ՀԱՊԿ-ը «դեռ թուրը չի հանի պատյանից»

Քաղաքական

17 Սեպտեմբերի, 20:40

ՀԱՊԿ առաքելության առաջապահ խումբը՝ ՀԱՊԿ միացյալ շտաբի պետ, գեներալ-գնդապետ Անատոլի Սիդորովի գլխավորությամբ, մշտադիտարկում է իրականացրել Ադրբեջանի հետ սահմանին գտնվող մի քանի տեղամասերում։ Ուսումնասիրվել են նաև հակաօդային պաշտպանության ստորաբաժանումներից մեկի տարածքում հրետակոծության հետևանքները։ Այս մասին տեղեկացնում է «ՌԻԱ Նովոստի»-ն։ 

Խումբն այցելել է Սյունիքի մարզի Գորիս և Ակներ համայնքներ, որտեղ հրետանու խոցման հետևանքով տուժել է բնակելի շենք։ Ինչպես նշել է Սիդորովը, ինչպես հայ-ադրբեջանական սահմանին, այնպես էլ տաջիկ-ղրղզական սահմանային գոտում ՀԱՊԿ-ի համար տհաճ իրավիճակ է ստեղծվել։

«Թե՛ հայ-ադրբեջանական, թե՛ տաջիկ-ղրղզական հակամարտություններում առաջնահերթությունը տրվում է քաղաքական-դիվանագիտական մեթոդներին։ Մենք «պատյանից թուրը դեռ չենք հանի», կփորձենք հարցերը լուծել խաղաղ ճանապարհով»,- ասել է Սիդորովը։

Արման Գալոյան

Նրանց պետք է իշխանություն, թեկուզ՝ առանց պետության

Գոռ Մադոյան

Հավանական դաշնակցին սպասելիս կամ «զենքս գաղտնի թող մնա»