«Սքայբոլ» ընկերության օդաչու Նաիրի Բարսեղյանը ռուս գործընկեր Սերգեյ Բաժենովի հետ հունվարի 17-ին Հայաստանում օդապարիկով իրականացրել է բացառիկ թռիչք՝ անցնելով Գյումրիից-Երևան հատվածը Արագած լեռան գագաթների վրայով:
Ըստ «Արմենպրեսի»՝ «Սքայբոլ» ընկերության օդաչու Նաիրի Բարսեղյանը նշել է, որ թռիչքը փորձնական էր, և իրականացրել են օդապարիկով համաշխարհային ռեկորդ սահմանելուն ընդառաջ:
Նաիրի Բարսեղյանի խոսքով՝ թռիչքի մեկնարկը սկսել են Գյումրիի Վարդանանց հրապարակից, հասել են Արագածի գագաթներին՝ մինչև 6100 մ բարձրության վրա, անցնելով այն՝ վայրէջք են կատարել Եղվարդում: Այն նաև շատ լավ հնարավորություն է տվել փորձարկելու հատուկ հանդերձանքը, տեխնիկական միջոցները, քանի որ օդի ջերմաստիճանը լինելու է մինչև -350 C:
