ՀՀ աշխատանքի և սոցիալական հարցերի նախարար Նարեկ Մկրտչյանն ընդունել է Հայաստանում Հնդկաստանի արտակարգ և լիազոր դեսպան Կիշան Դան Դևալին։
Ընդգծելով հայ-հնդկական հարաբերությունների կարևորությունը՝ Նարեկ Մկրտչյանն էական է համարել համագործակցության ուղղությունների ընդլայնումն աշխատանքի և սոցիալական պաշտպանության ոլորտում։ Այս համատեքստում նախարարը կարևորել է համագործակցության նոր ձևաչափերի և հարթակների ստեղծման անհրաժեշտությունը։
Հանդիպման ընթացքում կողմերը քննարկել են հաշմանդամություն ունեցող անձանց ուղղված սոցիալ-վերականգնողական ծառայությունների կատարելագործմանն ու պրոթեզավորման գործընթացի շարունակական բարելավմանն ուղղված մի շարք հարցեր։
Կիշան Դան Դևալը վերահաստատել է պատրաստակամությունը՝ ներդնելու անհրաժեշտ ռեսուրսներ դրանց արդյունավետ իրականացման գործում։
