Արցախ
Ադրբեջանական կողմի այդ ո՞ր քայլերն են նման հույսեր տալիս. ԱՀ ԱԳ նախարարը՝ ԱՄՆ դեսպանին
Արցախի ԱԳ նախարար Սերգեյ Ղազարյանն անդրադարձել է Ղարաբաղի՝ Ադրբեջանի կազմում ապահով լինելու հույս ունենալու վերաբերյալ ՀՀ-ում ԱՄՆ դեսպանի հայտարարությանը։
«Ինչի՞ հիման վրա են հավատում, ադրբեջանական կողմի այդ ո՞ր քայլերն են նման հույսեր տալիս»,- ասել է նա՝ հավելելով,- «Ճիշտ հակառակը, եթե որևէ մեկը նման հույսեր ունի, ապա պետք է նա այս գործը վերցնի իր վրա, տեսնելով այն ամենը, ինչ-որ տեղի է ունեցել այս ամիսների ընթացքում:
Մենք բազմիցս նշել ենք սրա մասին, որ առաջին հերթին Մինսկի խմբի համանախագահներից ակնկալում ենք ավելի ակտիվ ներգրավվածություն, և ոչ միայն, հայտարարությունների, կոչերի մակարդակով, ավելին ենք ակնկալում:
Հաշվի առնելով, որ ստեղծված իրավիճակի համար նրանք իրենց պատասխանատվության չափաբաժինը կրում են և խոսքը գնում է ցեղասպան քաղաքականության, ցեղասպանության ձգտումների մասին: Այստեղ նրանք բոլորը ունեն իրենց պատասխանատվությունը: Սա ոչ թե նրանց իրավունքն է, այլ նրանց պատասխանատվությունը»։
