Արցախի պետնախարարը հանդիպել է զոհված զինծառայողների ծնողների հետ

Արցախի շրջափակման պայմաններում կառավարությունն աշխատում է խիստ ծանրաբեռնված պայմաններում, անընդհատ միջոցներ են ձեռնարկվում առկա խնդիրները լուծելու և նոր խնդիրների ձևավորումը կանխելու ուղղությամբ: Բայց այդ ամենին զուգահեռ ձգտում ենք մշտապես ուշադրության և հոգատարության ներքո պահել այն անձանց, ովքեր իրենց ամենաթանկն են նվիրաբերել Արցախին ու համայն հայությանը: 

Երեկ հանդիպել եմ զոհված զինծառայողների ծնողների հետ: Նմանատիպ ցանկացած հանդիպման ժամանակ, երբ ակնկալում եմ լսել նրանց ու նրանց ընտանիքների առաջ ծառացած խնդիրները, հանդիպում եմ հակառակին՝ բացառապես հայրենիքի, մեր անվտանգության և Արցախի ժողովրդին հուզող հարցերի շուրջ մտահոգությունների և լսում առկա խնդիրները լուծելու ողջախոհ առաջարկություններ: 

Ամեն դեպքում նմանատիպ հանդիպումները փորձ է արվում առավելագույնս ծառայեցնել նաև այն խնդիրները վերհանելու գործին, որոնք հավելյալ դժվարություններ են ստեղծում զոհված զինծառայողների հարազատների համար: Այս հանդիպումը նույնպես բացառություն չէր, որից անմիջապես հետո պետական առանձին մարմինների տրվել են մի շարք խնդիրներ սեղմ ժամկետում կարգավորելու հանձնարարականներ: Մենք միմյանց ըստ արժանվույնս ճանաչելու, գնահատելու և արժևորելու լրջագույն կարիք ունենք:

Նմանատիպ նյութեր

Ադրբեջանական դիրքերի դիմաց ամրաշինական կառույցների ինժեներական աշխատանքներ չեն իրականացվել․ Արցախի ՊՆ

Այսօր, 20:16

Ադրբեջանի պաշտպանության նախարարությունն օրվա ընթացքում տարածել է երկրորդ ապատեղեկատվությունը, հայտնում է Արցախի ՊՆ մամուլի ծառայությունը։

«Բաքուն պատրաստ է ուժի կիրառման, կոչ ենք անում կանխել հնարավոր ռազմական ագրեսիան»․ Արցախի ԱԺ

Այսօր, 19:05

Սա ևս մեկ ապացույց է, որ Արցախի ժողովուրդը պարզապես չի կարող Ադրբեջանի կազմում ապրել՝ այնտեղ տիրող հայատյաց ու հայամերժ քաղաքականությունից բխող գոյաբանական վտանգների պատճառով:

Արցախի ԱԺ-ն պատասխանել է Ալիևի հայտարարություններին

Այսօր, 18:33

Արցախի Հանրապետության Ազգային ժողովի լրատվության և հանրության հետ կապերի բաժնի մեկնաբանությունն Ադրբեջանի նախագահի մայիսի 28-ի հայտարարության վերաբերյալ.