Արցախի ներդրումային հիմնադրամի 30 խոշոր ընկերությունների ընդհանուր պարտքը կազմում է մոտ 70 մլրդ դրամ
Արցախ
22 Մայիսի, 12:50
ԱՀ նախագահին կից հակաճգնաժամային խորհրդի նախագահ Տիգրան Պետրոսյանը «Ֆեյսբուքի» իր էջում գրել է.
«Չնայած ստեղծված ծանր իրավիճակին՝ Արցախի ժողովուրդը հստակ դիրքորոշում է հայտնել՝ ապրել և արարել Արցախում։ Ուստի անհրաժեշտ է վերականգնել արդարությունը՝ վերադարձնել պետության հանդեպ ունեցած պարտավորությունները։
Արցախի ներդրումային հիմնադրամի 30 խոշոր պարտավորություններ ունեցող ընկերությունների ընդհանուր պարտքը կազմում է մոտ 70 մլրդ դրամ։ Քանի որ այս ընկերությունները ժամանակի ընթացքում կատարել են անվանափոխություններ և այլ կարգի փոփոխություններ, ուստի չենք հրապարակում անունները, բայց մեր նպատակն է՝ բացահայտել իրական պարտավորություն ունեցողներին և վերադարձնել այդ գումարները պետական բյուջե։ Այս գումարները պատկանում են Արցախի ժողովրդին»։
