Ռուս խաղաղապահները դիրքավորվել են ադրբեջանցիների գրաված բարձունքին և վերահսկում են այն

Արցախ

25 Մարտի, 23:57

Ստեփանակերտ-Ղայբալիշեն-Լիսագոր ճանապարհին հարակից բարձունքներից մեկին ադրբեջանական զինված ուժերի դիրքային առաջխաղացումից հետո ռուս խաղաղապահները դիրքավորվել են տվյալ բարձունքին և վերահսկում են այն: Նրանք միևնույն ժամանակ բանակցություններ են վարում ադրբեջանական կողմի հետ՝ ապահովելու համար նրանց վերադարձը ելման դիրք: Այս մասին հայտնում է Արցախի տեղեկատվական շտաբը։

Դրան զուգահեռ Պաշտպանության բանակի ստորաբաժանումները ձեռնարկել ու ձեռնարկում են համապատասխան քայլեր՝ կանխելու ադրբեջանական հնարավոր հետագա սադրանքները և, անհրաժեշտության դեպքում, ապահովելու տվյալ լեռնային ճանապարհի անվտանգ կիրառումը:

Արցախի իշխանությունները մշտական կապի մեջ են ՌԴ խաղաղապահ զորակազմի հրամանատարության հետ՝ իրավիճակի կարգավորման ուղղությամբ բոլոր հնարավոր միջոցները ձեռնարկելու նպատակով:

Հետևեք մեզ Telegram-ում

Նմանատիպ նյութեր

Ներկայացվել է Արցախի սահմանադրական բարեփոխումների հայեցակարգը

20 Մայիսի 2022, 12:16

Հանրային քննարկման է դրվել Արցախի Հանրապետության սահմանադրական բարեփոխումների հայեցակարգը։

Արցախում ցանկանում են անցնել կիսանախագահական համակարգի

20 Մայիսի 2022, 13:45

«Հաշվի առնելով Արցախի Հանրապետության անվտանգության ապահովման հրամայականը, ներկայումս Արցախի առջև ծառացած մարտահրավերները, ինչպես նաև ռազմական կամ արտակարգ դրության պայմաններում, արտակարգ իրավիճակներում պետական կառավարման համակարգի ճկունությունն ապահովելու նպատակով՝ առաջարկվում է վերափոխել կառավարման համակարգը՝ անցում կատարելով կառավարման կիսանախագահական համակարգին»,- ասված է հայեցակարգում։

Արայիկ Հարությունյանը և Նարեկ Մկրտչյանը քննարկել են համագործակցության սերտացման հեռանկարները

20 Մայիսի 2022, 14:35

Երկրի ղեկավարը գոհունակություն է հայտնել նախարարի այցի կապակցությամբ՝ կարևորելով այն երկու հայկական պետությունների կառավարությունների միջև փոխգործակցությունը ավելի սերտացնելու՝ վերջերս ձեռք բերված պայմանավորվածության համատեքստում: