Արցախի առողջապահության նախարարի գլխավորությամբ տեղի է ունեցել խորհրդակցություն
Արցախ
13 Հունվարի, 21:26
Այսօր Արցախի առողջապահության նախարար Սամվել Ավետիսյանի գլխավորությամբ տեղի է ունեցել աշխատանքային խորհրդակցություն նախարարության խորհրդատուների և ստորաբաժանումների ղեկավարների մասնակցությամբ։
Նախարար Սամվել Ավետիսյանը պատվոգրեր է հանձնել ԱՀ Առողջապահության նախարարության ընդհանուր վիրաբուժության գծով խորհրդատու Վարդան Իշխանի Ղուկասյանին, ԱՀ Առողջապահության նախարարության մանկաբարձության և գինեկոլոգիայի գծով խորհրդատու Մանուշակ Ալեքսանդրի Սարգսյանին և ԱՀ Առողջապահության նախարարության ներքին հիվանդությունների գծով խորհրդատու Լյուդմիլա Լևոնի Գրիգորյանին և հույս հայտնել, որ իրենց մասնագիտական փորձով մշտապես կաջակցեն հանձնաժողովի գործունեությանը։
Խորհրդակցության ընթացքում քննարկվել են նաև մի շարք առանցքային հարցեր, այնուհետև նախարար Սամվել Ավետիսյանը ներկայացրել է նախարարության խորհրդատուների նոր կազմը և նշել, որ հատկապես այս պատասխանատու օրերին պետք է աշխատել թիմային և ի նպաստ համակարգի արդյունավետ աշխատանքների կազմակերպմանը։
Հետևեք մեզ Telegram-ում
