Արցախ
Ցավոք սրտի, կան մարդիկ, որոնք չեն հասկանում, որ անձնական զանգերով հարցեր չեն լուծվելու. Ռուբեն Վարդանյան (ՏԵՍԱՆՅՈՒԹ)
Արցախի պետնախարար Ռուբեն Վարդանյանը «ֆեյսբուքյան» լայվով մի շարք մանրամասներ է ներկայացրել Արցախում ստեղծված իրավիճակի վերբերյալ։ Պետնախարարը նշել է, որ կան անհատներ, որոնք բարձրացրել են դիզելային վառելիքի գները՝ օգտվելով շրջափակման փաստից և վառելիքի սուղ պաշարներից: Այս դեպքում, ըստ պետնախարարի, ահազանգերը ստացվել են թեժ գծին, և իրենք զբաղվում են արդեն այդ հարցով:
«Իրենք (բնապահպան ներկայացող ադրբեջանցիները-խմբ.) հայտարարում են, թե թույլ են տալիս, որ քաղաքացիական մեքենաներն անցնեն: Իրենք ով են, որ թույլ տան կամ թույլ չտան: Թույլ է տալիս մի կին, ով ներկայանում է ինչ-որ մարդու իրավունքերի պաշտպանության կազմակերպության ղեկավար, ո՞վ է ինքը, որ թույլ տա: Լրատվամիջոցներով տարածվող տեղեկությունները կեղծ են, մի հավատացեք»,-հավաստիացրեց Ռուբեն Վարդանյանը:
